Realizamos proxectos que teñen o patrimonio cultural como eixo sobre o que articular propostas orientadas ao seu aproveitamento social e ao desenvolvemento local.
- Deseño de plans estratéxicos: elaboramos plans a longo prazo no ámbito patrimonial e turístico, dende os que executar accións de xeito planificado, coordinado e temporalizado dentro dunha estratexia ao servizo de desenvolvemento territorial.
- Proxectos de investigación, documentación, salvagarda e valorización do patrimonio cultural: deseñamos e executamos proxectos nas diferentes patas da xestión patrimonial. Ofrecemos un servizo de “patrimonio á carta”: levamos a cabo investigacións sobre calquera elemento patrimonial, documentación exhaustiva (textual e gráfica), informes, deseño de productos multimedia e estratexias e accións de posta en valor.
- Inventarios e catalogacións: realizamos inventarios de recursos empregando ferramentas SIX con distintas finalidades: catálogos para planeamento urbanístico, coñecemento de potenciais recursos culturais no territorio, expedientes de catalogación…
- Creación de contidos dixitais: desenvolvemos proxectos e contidos adaptados á plataformas dixitais para dar resposta ás necesidades actuais dos usuarios e institucións, e chegar a novos públicos.
- Servizos de arqueoloxía: levamos a cabo traballos de prospección, controis de obra e de traballos forestais, proxectos de divulgación e posta en valor de xacementos arqueolóxicos, e informes técnicos e de impacto sobre bens.